પ્રજ્ઞા વર્ગ નું ઉદઘાટન

મેઘપર શાળા માં ચાલુ વરસ થી યુનિસેફ દ્વારા પ્રેરિત અને સર્વ શિક્ષા અભિયાન હેઠળ પ્રજ્ઞા વર્ગ ધોરણ ૧ અને ૨ માં શરુ કરવા માં આવ્યા છે. પ્રજ્ઞા એટલે કે પ્રવ્રુતિ દ્વારા જ્ઞાન. આ પ્રજ્ઞા વર્ગોનું ઉદઘાટન શ્રી નવીનભાઇ પાંચાણી અને શ્રી મકવાણા સાહેબ મેડિકલ ઓફિસર ગોરેવાલી એ કર્યું હતું. આ પ્રજ્ઞા વર્ગ માં કારપેટ બિછાવવા માટે ઓસ્ટ્રેલિયા નિવાસી શ્રી ધનજીભાઇ એ રુપિયા ૭૮૦૦ ના ખર્ચે કાર્પેટ બિછાવી આપી હતી. જેમનો શાળા પરિવારે અભાર માન્યો હતો.

મેઘપર શાળા માં શાળાપ્રવેશોત્સવ માં શ્રી મકવાણા સાહેબ મેદિકલ ઓફિસર ગોરેવાલી ઉપસ્થિત રહયા હતા.

શાળા પ્રવેશોત્સવ ૨૦૧૧ મેઘપર શાળા ૧ અને ૨ નું સંયુક્ત રીતે શાળા નંબર ૧ ખાતે યોજાઇ ગયો. વહેલી સવારે પ્રભાત ફેરીથી ગામ ની શેરીઓને સુત્રોચ્ચાર થી ગજવવા માં આવી.વાલીઓ નવપ્રવેશ મેળવનાર બાળકો ને ગામની બાલમંદિર ના પ્રાંગણમાં લાવ્યા હતા. ત્યાંથી બાળકોને શણગારેલા ટ્રેકટર પર બેસાડી તેમની શોભાયાત્રા કાઢવામાં આવી જેમાં શાળાના બાળકો શિક્ષકો વાલીઓ અને ગામના આગેવાનો જોડાયા હતા. શાળા માં તેમનું કુંમકુંમ ચાંદલા વડે સ્વાગત કરવામાં બરાબર ૯ ૩૦ કલાકે શ્રી મકવાણા સાહેબ અને શ્રી તન્ના સાહેબ પધાર્યા તેમજ શ્રી નવીનભાઇ પાંચાણી ભુતપુર્વ કચ્છ જિલ્લા આરોગ્ય સમિતિ ના ચેરમેન પણ પધાર્યા હતા. સૌ મહેમાનો નું સ્વાગત પુસ્તક વડે કરવામાં આવ્યું.બાળકોનેશૈક્ષણિક કિટ નું વિતરણ કરવા માં આવ્યું.સા.શૈ.પ.વર્ગના બાળકોને શિષ્યવ્રુતિ વિતરણ કરવામાં આવી. પધારેલા મહેમાનોએ આર્શિવચન આપ્યા હતાપ્

મેઘપર શાળા માં બાળકો માટે છાંયડા માટે શેડ ની વ્યવસ્થા કરતા ગામ ના યુવાન મિત્રો

મેઘપર શાળા ના બાળકો ને યોગ મધ્યાહન ભોજન અને ઘડીયા પઠન સમયે છાંયડો મળી રહે. બાળકો ને શીતળતા બક્ષે તે હેતુ થી યુ.કે. સ્થીત તેમજ ગામ ના યુવાન મિત્રોંના સહકાર થી શાળાના સ્ટેજ પર ફાઇબર નો શેડ બનાવી આપવા માં દિનેશ હિરાણી કમલેશ હાલાઇ રવજીભાઇ હાલાઇ જીતેન્દ્રભાઇ હિરણી અને દિપકભાઇ એ જહેમત ઉઠાવી હતી. શાળા પરિવાર વતી અનિલભાઇ એ આભાર માન્યો હતો

મેઘપર શાળા ને રુપિયા બે લાખ ના ખર્ચે મરમત અને રંગરોગાન કરાવી આપનાર દાતાશ્રી નું સન્માન

મેઘપર શાળાને રુપિયા બે લાખ ના ખર્ચે મરંમત અને રંગરોગાન કરાવી આપનાર દાતાશ્રી કાનજીભાઇ નારાણ્ભાઇ હાલાઇ નું સન્માન મેઘપર ખાતે શ્રી સ્વામિનારાયણ મંદિર ના પ્રાણપ્રતિષ્ઠા મહોત્સવ કાર્યક્રમ દરમ્યાન સ્વામિનારાયણ મંદિર ભુજ ના પરમ વંદનિય સંતોના વરદ હસ્તે કરવામાં આવ્યું. દાતાશ્રીને પુષ્પગુચ્છ અને પુસ્તક અર્પણ કરી ને શાળાના મુખ્ય શિક્ષક શ્રી અનિલભાઇ દરજી અને અરવિંદભાઇ પટેલે આવકાર્યા હતા.ગામ વિકાસ સમિતિના પ્રમુખશ્રી પ્રેમજી કરસન હાલાઇ એ શાલ ઓઢાળી ને ઋણ સ્વીકાર કર્યો હતો. ભુજ સ્વામિનારાયણ મંદિર ના પરમ પુજનિય સંતો ના વરદ હસ્તે સન્માન પત્ર અર્પણ કરવામાં આવ્યું હતું.

શાળાનું રીપેરિંગ અને રંગકામ

શ્રી મેઘપર પંચાયતી પ્રાથમિક શાળા ૧ નું રીપેરિંગ અને રંગરોગાન નું કામ પુરજોશ માં ચાલુ છે . શાળાનું રિપેરીંગ કામ જેમ કે଑ બારી દરવાજા વગેરે નુ ૢ લાઇટ ૢ સિમેંન્ટ નું કામ અને શાળાને રંગરોગાન નું કામ શ્રી નારાણ ધનજી હાલાઇ પરિવાર ના દાતા શ્રી કાનજીભાઇ નારાણ હાલાઇ તરફ થી કરાવવામાં આવી રહયું છે. દાતા પરિવાર નો ખુબ ખુબ આભાર. . . .

૬૨ માં પ્રજાસ્તાક દિન ની ઉજવણી

મેઘપર શાળા માં ૬૨ માં પ્રજાસ્તાક દિન ની ખુબજોરદાર ઉજવણી કરવામાં આવી. સરપંચશ્રી ના હસ્તે ધ્વજવંદન બાદ સાંસ્કૃતિક કાર્યક્રમો યોજવા માં આવ્યા.શાળાની બાળાઓ એ સરસ મજાના રાસ ગરબા રજુ કર્યા. બાળકોએ ગુજરાતી ૢ અંગ્રેજી ૢઅને કચ્છી નાટક રજુ કર્યા હતા. અંગ્રેજી શિક્ષણને વધુ ગુણવતા સભર બનાવવામાટેખાસ અંગ્રેજી શીખવવા માટે શૈક્ષણિક સાધનો થી ભરપૂર એવું અંગ્રેજી પ્લે રૂમ શાળાના શિક્ષકો દ્વારા બનાવવા માં આવ્યું જેનું ઉદઘાટન મેઘપર ગ્રામ વિકાસ સમિતિ ના પ્રમુખ શ્રી પ્રેમજી કરશન હલાઇ ના વરદ હસ્તે કરવા માં આવ્યું.બાળકોને બિસ્કિટ ની લહાણી ઉપસરપંચ શ્રી મુરજી રતના હાલાઇ દ્વારા કરવામાં આવી. કાર્યક્રમ ની સમાપ્તિ બાદગ્રામ્ય શિક્ષણ સમિતિ વાલી મંડળ માતા મંડળ અને બાંધકામ સમિતિ ની સંયુક્ત બેઠક મળી જેમાં મુ .શિ .શ્રીદ્વારા શાળા રંગરોગાન કરવાની દરખાસ્ત રજુ કરવામાં આવી . જેને ગામ ના એન . આર.આઇ . પરિવાર શ્રી નારાણ ધનજી હાલાઇ એ શાળા રંગરોગાન કરવા સાથ સહકાર આપવા તૈયારી દર્શાવી હતી.

બાલમેળો ૨૦૧૦ એક અનેરો બાલ ઉત્સવ

દર વર્ષની જેમ ચાલુ વર્ષે પણ મેઘપર શાળામાં બાલમેળો યોજાઇ ગયો. બાલમેલા માં બાળકોએ પોતાના હાથે બનાવેલી કૃતિઓનો આનંદ માણયો હતો.બાળકોએ માટી ૢ કાગળ ૢ પુઠા માંથી કૃતિઓ બનાવી હતી.બાળકોએ રંગોળી મહેંદી ભરતકામ તેમજ હુન્નર્ કળાની કૃતિઓ રજુ કરી હતી .બાળકોએ ખાણીપીણી ની દુકાનો બનાવી ખાધ્ય સામગ્રી વહેંચી હતી.

ગુણોત્સવ ૨૦૧૦ માં શાળા એ કરેલ ઉતમ પ્રદર્શન

ગુણોત્સવ ૨૦૧૦ અંતર્ગત શ્રી મેઘપર પ્રાથમિક શાળા નું મુલ્યાંકન કરવા માટે પાણી પુરવઠાકચેરી ભુજ થી શ્રી એલ. જે. ફફલ સાહેબ પધાર્યા હતા. તેઓ શ્રી શાળાના મકાન શાળાની ભૌતિક સુવિધાઓ અને શિક્ષણ થી પ્રભાવિત થયા હતા. તેઓશ્રીએ શાળાનું ભૌતિક અને શૈક્ષણિક મુલ્યાંકન કર્યું હતું. સવાર્ ના યોગ થી સાંજ ના સાંસ્ક્રુતિક કાર્યક્રમ સુધી તેઓએ સમગ્ર મુલ્યાંકન કર્યું હતું.